માંડવડે રે

ગીત: માંડવડે રે
ફિલ્મ: મૈયર માં મનડું નથી લાગતું

માંડવડે રે કાંઈ ઢાળો રે બાજોટી
કે ફરતે રેલાવો કંકાવટી
તેડાવો રે કાંઈ આશાપૂર ના જોશી
કે આજ મારે લખવી છે કંકોતરી
દાદા હરજી ભાઈ ને ઘેર અવસરીયો
કે પરણે લીલા બેન ની લાડકી
માતા લીલા બેન પૂંછે દિકરી ને
કે માંગો બેની બા તમને શું જોઈએ
માંગું રે હુંતો મમતા નો પાલવડો
કે ભવ ભવ મળજો તમ જેવી માવલડી
માંડવડે રે કાંઈ ઢાળો રે બાજોટી
કે  ફરતે મેલાવો કંકાવટી

માતા રાંદલ આવો ને મારે આંગણે રે
માતા રાંદલ આવો ને મારે આંગણે
મેંતો ભર્યા રે મોતીડા ના થાળ
વધાવો હેતે આજ રાંદલ આવો આંગણે રે
માતા રાંદલ આવો ને મારે આંગણે

રૂમ ઝૂમ કરતા રાંદલ માડી આવિયા રેે
રૂમ ઝૂમ કરતા રાંદલ માડી આવિયા
 આવ્યા દુખિયા નાં દિન દયાળ
લેવાને સંભાળ રાંદલ આવ્યા આંગણે રે
માતા રાંદલ આવો ને મારે આંગણે

સૂરજ ઉગ્યો સોના નો મારે આંગણે રે
સૂરજ ઉગ્યો સોના નો મારે આંગણે
મારા હૈયે હરખ ના સમાય
આંનંદ રૂડો થાય રાંદલ આવ્યા આંગણે રે
માતા રાંદલ આવો ને મારે આંગણે (૪)